O‘zbekiston Respublikasining Konstitutsiyasi, Qonunlari, Prezident farmonlari, hukumat qarorlari, Maktabgacha va maktab ta’limi vazirligi buyruqlari, hududiy markaz nizomi va kengashi qarorlari asosida bo‘lim faoliyatini tashkil etadi;
Metodik xizmat ko‘rsatish bo‘limi metodistlari tegishliligi bo‘yicha Pedagogik kasbiy rivojlantirish bo‘yicha direktor o‘rinbosari rahbarligida faoliyat olib boradi;
Kasbiy rivojlantirish kuni bo‘yicha belgilangan tayanch maktablar negizida biriktirilgan fanining o‘qitilish sifatini oshiradi, Ilg‘or xorijiy tajribalar va axborot kommunikatsiya texnologiyalarini joriy etishga oid seminar va konferensiyalar o‘tkazadi, yuzaga kelayotgan muammolarni bartaraf etish chora-tadbirlarini ishlab chiqadi;
“Kasbiy rivojlanish soati” jarayonlarini umumta’lim maktablarida kuzatib boradi, tahlil qiladi va zarur metodik yordam ko‘rsatib boradi;
Har bir fan bo‘yicha o‘qituvchilar to‘g‘risida ma’lumotlar bazasini shakllantiradi;
O‘z metodistlik yo‘nalishidagi fanning o‘qitilishi bo‘yicha metodbirlashmalar ishlariga amaliy va metodik yordam berishni ta’minlaydi;
Umumta’lim maktab o‘qituvchilarining darslarini onlayn va offlayn kuzatib borish hamda tahlil qilish orqali metodik yordam berib boradi;
O‘quvchilarning bilimini baholashda xalqaro baholash dasturlarini amaliyotda qo‘llashni o‘rgatib boradi;
O‘qituvchilarning ilg‘or tajribasi va faoliyati davomida qo‘llab kelayotgan zamonaviy metodikalarini ommalashtirish tartibi bo‘yicha tushuntirish ishlarini amalga oshiradi;
Hududiy maktabgacha va maktab taʼlimi boshqarmasi bilan kelishilgan holda umumtaʼlim maktablarida ta’lim sifatini oshirish uchun hamkorlik qiladi;
Metodik xizmat koʻrsatish boʻlimi faoliyatiga tegishli masalalar yuzasidan takliflarni tegishli tartibda koʻrib chiqish uchun hududiy markaz direktori huzuridagi yigʻilishi masalalariga kiritib boradi;
Viloyat maktabgacha va maktab taʼlimi boshqarmasi bilan kelishgan holda, hududdagi umumiy o‘rta maktab rahbarlari va mutaxassislari bilan darslik mualliflari ishtirokida oʻquv- seminarlar, uchrashuvlar, davra suhbatlari, tadbirlar tashkillashtirish va oʻtkazish ishlarini amalga oshiradi;
Oʻquv dasturlari, darsliklar va oʻquv-metodik majmualarni ekspertizadan oʻtkazish, xulosalar berish jarayonlariga ilgʻor tajribali amaliyotchi oʻqituvchi hamda metodistlarni jalb qiladi;
Variativ o‘quv rejalar asosida tanlov sinflarini tashkil etishga metodik yordam ko‘rsatib boradi;
Ta’lim sifati yuqori bo‘lmagan umumiy o‘rta ta’lim maktablariga borib manzilli metodik yordam ko‘rsatish ishlarini amalga oshiradi;
Pedagogik texnologiyalar va ilgʻor metodikalarni oʻrganish va tajriba almashish maqsadida amaliyot oʻtash, oʻqish, seminar va konferensiyalarda ishtirok etadi;
Metodik xizmat koʻrsatish boʻlimi faoliyatini keng yoritish maqsadida ommaviy axborot vositalari bilan hamkorlik qilish, ijtimoiy tarmoqlarda sahifalar ochadi va yangilab boradi;
Metodik xizmat koʻrsatish boʻlimi metodistlariga qonun hujjatlarida nazarda tutilgan boshqa vazifalar ham yuklatilishi mumkin.
