👉Pedagogik mahorat markazi huzurida tashkil etilgan Maktabgacha ta’lim pedagoglari malakasini oshirish markazi faoliyati bilan tanishish maqsadida UNICEF vakillari tashrif buyurdi.
🔹Tashrif doirasida O‘zbekiston Respublikasi Maktabgacha va maktab ta’limi vazirligi, Islom taraqqiyot banki hamda UNICEF hamkorligida amalga oshirilayotgan “O‘zbekistonda sifatli maktabgacha ta’limdan foydalanish imkoniyatlarini kengaytirish” loyihasi doirasidagi ishlar bilan yaqindan tanishildi.
🔹Markaz direktori Salayev Jasurbek Komilovich mehmonlarga o‘quv jarayonlari va mavjud imkoniyatlar haqida batafsil ma’lumot berdi.
⚡️UNICEF ko‘magida zamonaviy texnik vositalar bilan jihozlangan o‘quv xonasi, AKT xonasi va laboratoriya-maktabgacha ta’lim xodimlari uchun zarur bo‘lgan nazariy va amaliy mashg‘ulotlar yuqori darajada tashkil etilgan.
🤝UNICEF vakillari amalga oshirilayotgan ishlarni yuksak baholab, kelgusida hamkorlikni yanada kuchaytirish masalalarini muhokama qilishdi.
