🤔BUGUN, 19-fevral kuni Xorazm viloyati pedagogik mahorat markazi Metodik xizmat ko‘rsatish bo‘limi tomonidan navbatdagi “Metodist soati” tashkil etildi. Mazkur tadbir doirasida bo‘limning tajribali fan metodistlari markazning Boshlang‘ich ta’lim, Musiqa, Ona tili va adabiyot hamda Informatika yo‘nalishlari kurs tinglovchilari bilan o‘tkazildi.
✍️Jarayon davomida metodistlar o‘zlarining ilg‘or ish tajribalari, darslarni samarali tashkil etish usullari, zamonaviy pedagogik texnologiyalarni qo‘llash mexanizmlari hamda ta’lim sifatini oshirishga qaratilgan metodik tavsiyalari bilan o‘rtoqlashdilar.
✍️Shuningdek, ochiq muloqot va savol-javoblar orqali tinglovchilarning kasbiy faoliyatida uchrayotgan muammolar muhokama qilinib, ularning yechimlari yuzasidan amaliy tavsiyalar berildi; Informatika yo‘nalishi tinglovchilari esa Meta Quest 3 VR‑ko‘zoynaklari yordamida qiziqarli va interaktiv mashg‘ulotda zamonaviy texnologiyalarni amaliy qo‘llash imkoniyatlarini sinab ko‘rdilar.
✨“Metodist soati” o‘zaro tajriba almashish, metodik qo‘llab-quvvatlashni kuchaytirish hamda pedagoglarning kasbiy mahoratini yuksaltirish uchun samarali maydon bo‘ldi.
