✅Bugun Xorazm viloyati pedagogik mahorat markazida hamkorlarimiz bilan birgalikda maktablarda iqlim ta'limini joriy etishga qaratilgan 3 kunlik Trenerlar tayyorlash (ToT) seminar-treningiga start berdik!
↪️ Ushbu muhim loyihaga mezbonlik qilishdan hamda ustozlarimiz malakasini oshirishga o'z hissamizni qo'shayotganimizdan mamnunmiz. Master-trenerlarni aynan bizning markazda tayyorlash orqali butun O'zbekiston bo'ylab 50 000 nafar o'qituvchi va 1,3 milliondan ortiq o'quvchilarni qamrab oladigan kaskadli o'qitish tizimini yo'lga qo'ymoqdamiz!
🤔Maqsadimiz bitta — kelajak avlodni barqaror ertangi kun uchun zarur bo'lgan "yashil" ko'nikmalar bilan qurollantirish va o'qituvchilarimizga bu borada eng ilg'or bilimlarni berish. Barcha ishtirokchi ustozlarimizga omad tilaymiz!
🤝 Ushbu tashabbus Maktabgacha va maktab ta'limi vazirligi, BMTTD, "Zamin" xalqaro jamoat fondi va "Ta'lim hamma narsadan ustun" jamg'armasi bilan mustahkam hamkorlikda amalga oshirilmoqda.
