✅ Bugun, 6-iyun kuni Xorazm viloyati pedagogik mahorat markazi, Xorazm Ma’mun akademiyasi hamda BZT Turon akademiyasi hamkorligida “Maktabgacha va maktab ta’lim tizimida raqamli pedagogika: zamonaviy yondashuvlar va tendensiyalar” mavzusidagi xalqaro ilmiy-amaliy konferensiya an’anaviy va onlayn formatlarda bo‘lib o‘tdi.
🤔 Konferensiyada Ozarbayjon, Turkiya va O‘zbekistonning nufuzli oliy ta’lim hamda ilmiy muassasalaridan tashrif buyurgan, professor-o‘qituvchilar, ta’lim sohasi mutaxassislari va amaliyotchi pedagoglar ishtirok etdilar.
🤔 Tadbir davomida raqamli pedagogikaning dolzarb masalalari, ta’lim tizimidagi zamonaviy yondashuvlar, innovatsion texnologiyalar hamda xalqaro tajribalar yuzasidan ma’ruzalar tinglanib, fikr-mulohazalar almashildi.
✅ Konferensiya yakunida bildirilgan ilmiy-amaliy taklif va tavsiyalar ta’lim tizimida zamonaviy yondashuvlarni keng joriy etish hamda xalqaro hamkorlikni yanada rivojlantirishga xizmat qilishi ta’kidlandi.
