✅ Xorazm viloyati pedagogik mahorat markazida Ma’naviy-ma’rifiy ishlar bo‘yicha direktor o‘rinbosarlari, amaliyotchi psixologlar hamda maktab maslahatchilari kursi tinglovchilari ishtirokida “Qatag‘on qurbonlari” mavzusida davra suhbati tashkil etildi.
Tadbir davomida qatag‘on davrining xalqimiz tarixidagi og‘ir va murakkab sahifalari, Vatan ravnaqi va millat taraqqiyoti yo‘lida fidokorona xizmat qilgan, ammo nohaq ta’qib va tazyiqlarga uchragan ma’rifatparvarlar, ziyolilar hamda davlat arboblarining hayoti va faoliyati haqida atroflicha so‘z yuritildi.
✅ Shuningdek, tarixiy xotirani asrash, ajdodlar merosini o‘rganish, yosh avlod qalbida vatanparvarlik, milliy g‘urur va tarixga hurmat tuyg‘ularini mustahkamlash masalalariga alohida e’tibor qaratildi.
