Mazkur topshiriqlar ijrosi doirasida bugun Ozarbayjonda malaka oshirib qaytgan mentor ustozlar, shuningdek, xorijiy davlatlarda malaka oshirayotgan pedagog kadrlar tomonidan Markazda ta’lim olayotgan tinglovchilar uchun tajriba almashish, innovatsion yondashuvlarni targ‘ib etish va ilg‘or xorijiy tajribani ta’lim amaliyotiga joriy etish maqsadida seminar-treninglar tashkil etildi.
Tadbirni Pedagogik mahorat markazi direktori, iqtisodiyot fanlari bo‘yicha falsafa doktori, dotsent va faxriy professor Salayev Jasurbek Komilovich ochib berib, o‘qituvchilar malakasini oshirish, raqamli pedagogika ko‘nikmalarini rivojlantirish hamda xalqaro tajriba almashinuvini ta’lim jarayoniga izchil tatbiq etishning muhim ahamiyatini ta’kidladi.
✍️Seminar jarayonida xorijiy ta’lim tizimlarida qo‘llanilayotgan zamonaviy va innovatsion pedagogik metodlar, inklyuziv ta’lim yondashuvlari, ta’lim jarayonida sun’iy intellekt va raqamli texnologiyalarni qo‘llash, dars samaradorligini oshiruvchi metodik yechimlar hamda o‘quv faoliyatini optimallashtirishga xizmat qiluvchi ilg‘or usullar atroflicha o‘rganildi.
