Bugun Xorazm viloyati pedagogik mahorat markazida maktabgacha ta’lim tashkilotlari tarbiyachilari — malaka oshirish kursi tinglovchilari uchun markazning yetuk mutaxassislari tomonidan yuqori saviyada o‘quv mashg‘ulotlari tashkil etildi.

Mashg‘ulotlar davomida ilg‘or pedagogik texnologiyalar asosida olib borilgan dars jarayonlari namoyish etilib, ular tinglovchilarning ta’lim-tarbiya jarayonini ilmiy-metodik jihatdan asoslangan holda tashkil etish, samarali o‘qitish strategiyalarini qo‘llash hamda kasbiy faoliyatda mustaqil va ijodiy yondashuvni shakllantirishiga xizmat qildi.

🤔Mazkur mashg‘ulotlar pedagog kadrlar salohiyatini oshirish, amaliy tajribani boyitish hamda ta’lim sifatini yanada yuksaltirishga qaratilgani bilan ahamiyatlidir.