Xorazm viloyati Pedagogik mahorat markazi direktori Salayev Jasurbek Komilovich boshchiligidagi delegatsiya Ozarbayjon Respublikasining Boku shahrida rasmiy tashrif bilan xizmat safarida boldi.
Tashrif doirasida amalga oshirilgan muhim tadbirlar:
✅Ozarbayjon Davlat Pedagogika Universitetida bo‘lib o‘tgan “Adabiy aloqa – ijodiy jarayon ko‘zgusi” antologiyasi taqdimotida ishtirok etdi.
Markaz direktori Salayev Jasurbek Komilovich ta'lim tizimidagi o‘zaro tarixiy mushtaraklik va hamkorlik istiqbollari haqida ma’ruza qildi.
✅Ozarbayjon milliy fanlar Akademiyasi prezidenti -Akademik Iso Xabibbeyli bilan ilmiy-tadqiqot, stajirovka va ta’limiy loyihalarni rivojlantirishga qaratilgan hamkorlik memorandumi imzolandi.
✅ Ozarbayjon Davlat Pedagogika Universitetida xalqaro hamkorlik bo‘yicha prorektor Huseynova Mahiraxonim bilan muzokaralar o‘tkazilib, ilmiy va pedagogik sohalarda o‘zaro hamkorlikni kengaytirish yuzasidan memorandum imzolandi.
✅Delegatsiya Tog‘li Qorabog‘ mintaqasiga tashrif buyurib, Fuzuliy shahridagi Mirzo Ulug‘bek nomidagi umumta’lim maktabi faoliyati bilan tanishdi, o‘zaro do‘stlik va qardoshlik rishtalarini mustahkamlash yo‘lida yangi qadamlar tashlandi.
✅ Qorabog‘ Universiteti rektori Shahin Vagif o‘g‘li Bayramov bilan uchrashuv o‘tkazilib, ta’lim va ilmiy-tadqiqot yo‘nalishlarida hamkorlik qilish, shuningdek, ilmiy salohiyatga ega kadrlar tayyorlash va qo‘llab-quvvatlash masalalari yuzasidan istiqbolli loyihalar muhokama qilindi.
😃Mazkur tashrif O‘zbekiston va Ozarbayjon o‘rtasidagi do‘stlik va qardoshlik rishtalarini yanada mustahkamlash, shuningdek, ta’lim va ilm-fan sohasidagi hamkorlikni yangi bosqichga olib chiqishga xizmat qiladi.
