27-sentabr kuni Xorazm viloyati Pedagogik mahorat markazida 1-oktabr – O‘qituvchi va murabbiylar kuni munosabati bilan qiziqarli sport tadbiri — “Quvnoq startlar” musobaqasi tashkil etildi.
😃Ushbu musobaqada professor-o‘qituvchilar, fan metodistlari va pedagoglardan iborat jamoalar faol ishtirok etib, o‘zaro do‘stlik, hamjihatlik, mehr-oqibat va sog‘lom raqobatni namoyon qilishdi.
😃Tadbirda markaz direktori, iqtisodiyot fanlari doktori, faxriy professor Salayev Jasurbek Komilovich so‘zga chiqib, barcha ustozlarni bayram bilan tabrikladi va ularga kelgusida ham muvaffaqiyatlar tiladi.
🏆 Musobaqa qizg‘in bellashuvlar, ko‘tarinki kayfiyat va quvnoq muhitda o‘tdi. Tadbir ishtirokchilarga nafaqat sport ruhini, balki bayramona shukuhni ham ulashdi.
✨Barcha o‘qituvchi va murabbiylarimizni chin qalbimizdan kasb bayrami bilan muborakbod etamiz?
