Xorazm viloyati pedagogik mahorat markazida “Xiva tongi” gazetasi muxbiri, iste’dodli ijodkor, jurnalist va bir qator nasriy asarlar muallifi Sherjon Masharipovning 70 yillik yubileyiga bag‘ishlangan adabiy-badiiy kecha bo‘lib o‘tdi.
✍️Tadbir dasturi doirasida mehmonlar avval Xiva shahridagi Said Muxammad Moxiro'y majmuasi ziyoratgohini ziyorat qilib, so‘ng Pedagogik mahorat markazi huzuridagi muzey bilan tanishdilar.
✍️Adabiy-badiiy kechani Pedagogik mahorat markazi direktori, iqtisodiyot fanlari bo‘yicha falsafa doktori, dotsent va faxriy professor Salayev Jasurbek Komilovich ochib berdi. U o‘z nutqida Sherjon Masharipovning jurnalistika sohasidagi yuksak professional faoliyati, ijodiy merosi hamda yosh jurnalistlarni qo‘llab-quvvatlashdagi katta hissasi haqida so‘z yuritdi.
✍️Shuningdek, Yozuvchilar uyushmasi bo‘limi raisi Gavharjon Ibodullayeva hamda Sport va madaniyat hodimi faxriysi Shokir Madaminov ustoz-jurnalistning fidokorona mehnati, ommaviy axborot vositalari nufuzini oshirishdagi xizmatlari va yillar davomida amalga oshirgan samarali ijodi haqida iliq fikrlarini bildirdilar.
